Hópur listamanna sýnir verk á hústökusýningu Ekkisens í tveggja hæða 100 ára gömlu einbýlishúsi á Bergstaðastræti 25.
Sýningin er önnur í röð hústökusýninga á vegum Ekkisens, sýninga- og viðburðarýmis, en fyrr í sumar var opnuð hústökusýning í niðurníddu einbýlishúsi á Stöðvarfirði. Í kringum tuttugu listamenn úr öllum áttum hafa boðað þátttöku sína í hústökusýningunni á Bergstaðastræti og viðburðurinn opnar laugardaginn 29. ágúst kl. 17:00.
Saga hússins:
Húsið á Bergstaðastræti 25 var byggt fyrir rúmlega 100 árum sem lítið kot. Var það skipstjóri sem reist hafði sér einbýlishús í bakhúsinu á 25B (Ekkisens), sem lét smíða kotið undir systur sína, en hún var einstæð og hafði eignast barn í lausaleik.
Í dag er húsið partur af eignasafni Hildu, dótturfélag eignasafns Seðlabankans, en í því eru eignir sem komust í eigu Seðlabankans þegar samið var um yfirtöku hans á eignum og skuldum Dróma árið 2013. Nú stefnir Seðlabankinn að sölu á öllu eignarsagninu í heilu lagi.
Listamenn sem sýna verk eru /// Artists exhibiting work are:
Anna Brink, Anton Logi Ólafsson, Ásgeir Skúlason, Berglind Erna Tryggvadóttir, Bryndís Hrönn Ragnarsdóttir, David Subhi, Dionysios Stravopodis, Elín Anna Þórisdóttir, Freyja Eilíf Logadóttir, Freyja Reynisdóttir, Friðrik Svanur Sigurðarson, Fritz Hendrik IV, Guðbjartur Þór Sævarsson, Heiðrún Gréta Viktorsdóttir, Leifur Ýmir Eyjólfsson, Magnea Ásmundsdóttir, Ragnhildur Weisshappel, Solveig Pálsdóttir, Unnur Óttarsdóttir, Rán Jónsdóttir.
(((@)))(((@)))(((@)))(((@)))(((@)))(((@)))(((@)))(((@)))(((@)))(((@)))(((@)))(((@))) 